مرحبا شباب اغنية تحشيشية لطلاب السادس العلمي الكلمات اولا وبعدها حمل الاغنية
:Ok
بالسادس يناس خلاني اعاني
اشرب حليب وجاي عبالي راني
لا اطلع من البيت ولا اسمع اغاني
ولا اشوف افلام ولا الدوري الاسباني
من ورة هالسادس يناس انشل حالي
ليلي كلة اني شاغل بالي
وجهي مصوفر صاير برتقالي
ومنعزل عن الناس وغالق جوالي
........
ياما انا اقريت وياما اسهرت الليالي
وياما انا بالخصوصي اصرفت كل مالي
بس واللة اخلصك لو للتالي
واخلي بس ملازمك كبالي
شوف اذا ما اجيب بي معدل عالي
.................
اني اسمي نور الدين
من انكس جيل جيل التسعين
وقفت بالسادس عتة سنتين
كلت بالكت اجيب بي معدل زين
يومية ب7 من النوم اكوم
ورايح ممتريك ولابس نفس الهدوم
وبيدي كشكول والنوم بعيني
وماعندي قلم بس ياهو ينطيني
رايح متجه لطارق بن زياد
انكس مدرسة بمناطق بغداد
كلهة جكاير ورشاوي وفساد
........
يومية مصبحين بخلق المدرسين
ليش متاخر كتبك وين
شعندك باقي هنا متحول مسائي
يلة طلعو اوراق امتحان فجائي
جاني الليل وما ادري شلون راح اخلصة
مدري افكر بالانكليزي مدري افكر بالقصة
لو بالميرجنت لو بالمرادفات
لو بالقطعة الخارجية لو الاصوات
وبالكيمياء اخذ مية
بس لو يشيلون العضوية
وبالفصل الثالث عقلي اني طفر
لو سمع ايون لو محلول لو بفر
......................
بالرياضيات خوبن لتسالني
فيثاغورس العرب ميضحكلي
كلهة هندسة احتمالية وتكامل
اعداد مركبة قطوع وتفاضل
.........
وبالحياء يسموني جابر بن حيان
لا اعرف كلشي عالانسان
مدكلي شنو هية الوراثة
تزوج ثور من بقرة
صفة الاذن المشعرة
.......
ولذكرني بالعربي من خرة بي
لا اريد اكلبة ولا اريد اعرف شكو بي
يصعد الجالي من يسمع اسلوب الطلب
عماد الشيخ سيبوية كلب
.......
وبالفيزياء صارت عندي عقدة نفسية
لو اسمع دوبلر لو مسائل دورانية
اصفن ساعات بمسائل المولدات
لو حل اسئلة الفصل لوحفظ الاشتقاقات
..................
كون اني حلمان
والسادس خلصان
وشايل بيدي اي شهادة
حتة لو دكتور ولادة
واللة بالحلم بعد منشوف الهندسة والعلوم
حتة لو نعيد سبع اسنين
مايسين معدلاتنة بالخمسين
وماعدنة غير المنصور
لو معهد مدربين
.......................
عود الكلية الاهلية هم اسميهة كلية
شوفهة حرام جنهة قوطية
عود شبية اني ما ادخل كلية
ما ناقصني شي وكلشي ما بية
شاب اكطع عيوني عسلية
بس اني اكلك هية صفت لل؟؟؟؟ية
................
بس اححنة ما قرينة بجد وصدك درسنة
كضيناها لعب وسخت ونوم
وطلعة وبليارد ونت كل يوم
بس عندي الك كلمة اخيرة
الي ما يعرف تدابيرة حنطتة تاكل شعيرة
تحياتي الكم حبايبي ......الي يريد الاغنية mp3 اني حاضر
اضغط على هذا الرابط او انسخه في صفحة الانترنت
[ندعوك للتسجيل في المنتدى أو التعريف بنفسك لمعاينة هذا الرابط]