هل اعتذار الرجل للمرأه ينقص من كرامته؟؟؟

بسم الله الرحمن الرحيم

هل إعتذار الرجل للمرأة ينقص من كرامته ؟ يوجد اجابة !!

موضوع جميل اطرحه لكم اليوم,

تختلف الاجابات عليه وتتباين الاراء حوله ,

وهو يخص اعتذار الرجل من المراة .

هل اعتذار الرجل من المراة ينقص من قدره وكرامته ؟ ام ماذا ...

هل إعتذار الرجل للمرأة ... ينقص من قدره ؟؟

هل يمنعه غروره من الإعتذار ؟؟

وهل يختلف الرجل الشرقي عن غيره في درجة الحساسيه لهذه الكلمه !!

واقصد هنا إعتذار الحبيب لمحبوبته ..

نحن نعلم أن المرأة بطبعها رقيقة المشاعر .. سهلة الانكسار

وأي كلمه قد تؤثر عليها .. بل قد تقتلها

تجرحها .. وتؤلمها

وقد لا تسامح من أساء إليها

ولكن عندما يقول لها الرجل ... أنا أسف .. أعذريني يا ملاكي

فانها قد تنسى كل شئ .. وقد تغفر أي شئ

ولكن يبقى السؤال

ما الذي يحس به الرجل عندما يعتذر !!

وهل يعتبر أن اعتذاره هو بمثابة الإهانه له !!!!

وهل يجب أن يعتذر بالكلام .. أم أن هناك أشياء اخرى تحل محل الكلمات ؟

والاجابة الاسهل لهذه التساؤلات هي :

ان الرجل حين يعتذر من الفتاة التي يحبها او الزوجة فانه يثبت انه فعلا يحبها

وهو مخلص لها لاقصى حد.

اكثر مما يتخيل بعضكم..

فما هو رايكم؟؟

والله ياهند موضوع كلش مهم وحلو
واكيد بصفتي انتمي لجنس النساء فرأيي راح يكون معروف
الاعتذار والاعتراف بالخطأ من شيم الرجال ومو ضعف ابد
بس بنفس الوقت هذا الشي يعتمد على المرأة نفسها

اكو نساء يحترمون اعتذار الرجل ويحاولون مايحسسوه بالغلط مرة ثانية
لان اعترافه بخطأه هو تنازل منه حسب طبيعة وعقل الرجل

لكن بنفس الوقت اكو نساء للأسف يستغلون هذا الشي
وتحب تكرر عليه دائما انه هو غلطان ولازم يعتذر ويمكن هي كلمة الاعتذار ماتطلع منها

التوازن بكلشي حلو ولو هي بادرت بالاعتذار والاعتراف بغلطها الرجل راح يحترم هذا الشي
وبنفس الوقت اذا طلبت منه اعتذار على احد افعاله ماراح يكدر يكول لا لان تكدر تواجهه بفعلها الايجابي بهيجي حالة وتطلب منه رد فعل من نفس النوع

واكيد الكلمة الطيبة من الرجل تنسي المرأة كل تعبها والمها
ولكن كثرة الاخطاء تخلي الاعتذار ماله معنى بالتكرار
وفي النهاية الاعتراف بالخطأ فضيلة والفضيلة ماتعرف امرأة او رجل

عاشت ايدج على الموضوع تسلمين
واسفة عالاطالة
تقبلي مروري
وتحياتي

اشكرج حبيبتي مس اكلش

وتحليلج ورايج جان كلش حلو ورائع

يسلم مرورج

تحياتي

تسلمين حبي موضوع حلو جدا جدا
بس موشرط يعتذر اني بالنسبة الي مجرد يعترف بغلطة من دون ميعتذر اني اقبلهة منة
واسامحة من كل قلبي وربي يشهد على كلامي
تقبلي مروري
تحياتي

اني تدرين ياهند لو كالولي اي منتدى تحبين
اكولهم منتدى النقاشات والقضايا الاجتماعية
لان اموت عالمناقشة
وموضوعج يخبل مثلج
طبعا الاعتذار ابد مينقص من كرامة الرجل
بالعكس راح يكبر بعين المرأءة الي يحبها
وهذا دليل على حبه واحترامة الها
وتحياتي الج وردة
تقبلي مروري

اعتذار الرجل للمراه ليست اهانه له لاكن للاسف كثير من الرجال
يعتبرونه اهانه وكرامته لا تسمح له بالاعتذار
لاكن لو ماحب يعتذر يوجد الف طريقه للعتذار والمراه تقبل هذه الطرق
لانها بطبعها متسامحه ..

تحياتي
========================

بالعكس اعتذار الرجل دليل على اخلاقه ورجولته العاليه واحترامه للااخرين
ومراح ينقص منه شي ابد بالعكس اني عن نفسي احترم الرجل الي يحب يعترف باخطائه ومثل مكالت مس انكلش بدون ما تحسسي بشي هو الي يحس بالشي

تحياتي ع الطرح للموضوع

صحيح حبيبتي
ننا
بس اكثر الرجل يعتبرون الاعتذار صعب الشخصيه

وانكساره امام المراه

وياريت لو اي رجل يغلط امام المراه
يعتذر منهه لان كلمه اسف دليل على
حبه وحترامه وصدقه مشاعره

تقبلي مروري

تحياتي الج ننا

------------------------------

شكرا حبيبتي نونو

هاي من اخلاقج العاليه التسامح

فد شي حلووووووووو

بس هوة وينه الي يعترف بغلطه

شكرا لمرورك

شكرا حياتي جوجو
واكلج هاي تبقه حسب عقليه الرجل وثقافته

اكو رجال ميتقبلون فكرة الاعتذار للمراة
واكو لا يعتذر ويعترف بغلطه
وبكل رحابه صدر
شكرا على مرورك

اي حبي ريان كلامج صح

وتبقه حسب المراة اذا تكون فاهمته وتعرف شخصيته من اي نوع

مرات اكو طرق يتعامل بيهه وهيه تفهم من خلال تصرفه هذا اعتذار رسمي الهه

وتبقى المراة دائما متسامحه

تحياتي الج حبيتي

حبيتي ننا هيه بقت على عقليت الرجل ووعيه وثقافته

ولمراة الهه دور كبير بهذا الموضوع

تحياتي الج

طبعا مشكورة هنودة عيوني على هذا الموضوع الحلو واحب اشارك برأيي وياكم واحب اكللكم انه مع الاسف مجتمعنا الشرقي يعتبر الاعتذار للمرأة هو شي مشين او ينقص من قيمة الرجل واني اشوف العكس صحيح هو فد شي حلو انه الانسان من يخطا ان كان رجل او امراة لازم يعتذر والاعتراف بالخطأ فضيلة والرجل من يعتذر للمراة هذا دليل على مكانتهة بحياتة وبكلبة لان الحب مو بس مجرد كلمة تنكال الحب فعل لازم يكون واني من الناس اذا اخطا ويا زوجتي اعتذر منهة لان مثل ما اني عندي كرامة واحاسيس هية هم عدهة على عكس ما يعتقدة قسم من الناس انه المراة عبارة عن انسان الي يداريك وبس يعني ينطي مياخذ واني بس احب اكول فد شي اخير انه خلي نذكر ترة الي حملتنا ابطنهة 9 اشهر هية المرأة فلازم تكون الهة قدسية خاصة ....
وتقبلو مروري وشكرا
BlackEagle

واوووووووو واخيرا شاركنه رجل بلموضوع

والله ياحمد ردك جان كلش جميل ورائع

وما اعرف شنو اكلك بس الكلام منطقي جدا

وان شاء الله ميكون بس كلام

لان يجي يوم وراح اذكرك بي من تزوج
اوكــــــــــــــــــي

تحياتي الك

وشكرا على مرورك

» انتهاء امر الرجل بالنسبه للمرأه
» روعة قصيدة للشاعر احمد مطر اعتذار للرسول الكريم
» اسرار الرجل