العصبية

موضوع: العصبية 29/08/09, 07:16 pm

هلوووووووو
اشلونكم اخباركم

يا ربي تكونون بالف خير دووووم

اطرح موضوعا بين ايديكم

ألعصبية التهور اتخاذ الشيء متسرعا

الجنسين كل ماسئلتهم سؤال ماهي الاشياء اللتي تتمنى التخلص منها يقول لك العصبية..

كل إنسان يملك العصبية واكثر انسان يملكها هو الانسان العراقي

الانسان ليه يضيع حبيبه اهله صديقه بالعصبية

اي شيء صار مايكدر يسيطر على نفسة ويضيع كل شيء العشرة الضحكة الليالي الحلوة ووو اشياء حلوة وبعد مايخسرها يتندم على خسارتها

اذا لماذا لانسيطر على انفسنا ونخسر الانسان الطيب الصادق الحنون بالعصبية...؟

طبعا وآني اول الناس اتمنى اتخلص من العصبية ..

ومن اصير عصبي الله يستر اي شي كدامي اضربه

واطلع قهري كله بالمطبخ ميبقى بيه شي

والتلفون هم ههههههههه

وطبعا اكيد هية سبب التدخين الي مداكدر اعوفه

اتمنى كل الاعضاء يشاركوني برأيهم

تحياتي

سارق الروح

موضوع: رد: العصبية 30/08/09, 01:12 am

اوووووووو مصيبة هاي والله العصبية
واني هم اريد احد يخلصني منها
ههههههههههههه
المشكلة بيها التهور والتسرع بالكلام اللي يفقدنا احباءنا مثل ماكلت
واني برأيي للتخلص منها لازم احد الاطراف يمتص العصبية بهدوئه
وشوية شوية راح نشوف الشخص اللي كان عصبي راح يحاول يمسك نفسه كل مرة ومايتهور
حتى لايزعل الانسان اللي يحتويه بلحظة الغضب

بس ارجع واكول شغلة وهي ان التغيير ينبع من داخل الانسان اولا ومن ارادته القوية اذا حب ان يغير طبع سلبي بي
واتمنى من ارادتك ياسارق الروح تخليك تترك عصبيتك واهم شي التدخين الناتج منها
حتى تتجنب النتائج السلبية مستقبلا لاسامح الله
اسفة عالاطالة بس موضوعك حلو ويسوي واهس
تقبل مروري
وتحياتي

موضوع: رد: العصبية 30/08/09, 04:08 am

هلوووو مس انكلش لا عيني بالعكس ممطولة اني اريد مناقشة

بس والله مكدرت اتخلص منها ابد ومرة من المرات اذيت انسان قريب على كلبي كلش لان جنت كلش عصبي
طبعا هاي اللحظة ندمت عليها ورة مهدئت

يعني افقد من صدك ومرة من المرات طفيت الجكارة بأيد صديقي ولحد الان بقى الاثر بأيده تخيلي هيج

بس انشاء الله تروح وابطل تدخين

تحياتي الج يا وردة الورود

سارق الروح

موضوع: رد: العصبية 30/08/09, 11:52 am

هو مو بس مشكلتك هاي ياسارق
كلنا على هاي العصبية واتمنى اني هم احد يخلصني منها
بس الحمد لله الي اعصب عليهم ميزعلون مني لان يعرفوني زين ويحبوني
اني رأيي مثل مكالت مس انكلش الانسان اذا كانت عندة قوة ارادة يتخلص من الشئ السلبي الي عندة
اذا طبعا هو يريد لازم هو يساعد نفسة
بس الاهم من هذا انو من تعصب تحتاج انسان يصبر عليك ويهدأك
واهم شي بالنسبة الك انت لازم تكون عندك قوة ارادة وتترك التدخين لان يدمر الصحة ويخلي الانسان بحالة توتر دائما
واسافة على الاطالة
تحياتي الك

موضوع: رد: العصبية 30/08/09, 07:22 pm

منورة يا جوجو الوردة واني اعتز برأيج

وانشاء الله كلها تروح

تحياتي الج يا وردة

سارق الروح

» خطوة بخطوة لتقليل العصبية