السلام عليكم ورحمة الله وبركاته السلام عليك يا وطن السلام السلام عليك يازمن الجميل و على احلى عراقين اليوم جبتلكم ذكرايتنا في عراقنا ان نتصفح البوم صور ونرجع لاى احلى ايام عشناها واي اكيد محد من عندنا راح ينساها ايام الشتى متنسي وخصوصا من نكعد مكرفعين من البرد وملففين بالبطانية وكلها كاعده على الزولية واحلى فقرة من نخلي الكتلي على الصوبة ومن يطلع فلم السهر تحمي الكستانه وعلى غفلة تطك عليك :bom:
سعادة
[ندعوك للتسجيل في المنتدى أو التعريف بنفسك لمعاينة هذه الصورة] ليش والصمون الحار ابو الكاع وال متجي اتسوي لفة مال موز نوتيلا
الله
والكمع مالته مستطيل مدعبل متلكي مثله
[ندعوك للتسجيل في المنتدى أو التعريف بنفسك لمعاينة هذه الصورة]والخبز اول ميجي بس يعجبك تكرزة وتحط جبن ونعناع ايباااااااااااااااااا
مو خبز اتكول فستوق
[ندعوك للتسجيل في المنتدى أو التعريف بنفسك لمعاينة هذه الصورة]ووين اكو احلى من يوم الجمعة وريوك يوم الجمعه والعائلة كلها ملتمة والميز كله كيمر والخواشيك هناك وهنا وتبدي العركة منو ياخذ القطعة الاكبروكالعادة لو تنتهي بعركة لو كل واحد ينكتل ويكعد عاقل
[ندعوك للتسجيل في المنتدى أو التعريف بنفسك لمعاينة هذه الصورة]الكباب والشماطة طوي اقصد الطماطة شوي وية البوصل اللفة تغدي بوختة من الحرارة اهم الشي الكمع اللللللللللللللللللللله
[ندعوك للتسجيل في المنتدى أو التعريف بنفسك لمعاينة هذه الصورة]ونجي على العيد وكليجة ام التمر بالسمسم والله العيد من غير كليجة مو عيد
[ندعوك للتسجيل في المنتدى أو التعريف بنفسك لمعاينة هذه الصورة]وبعد العيد مباشرة واهم شيء بالعيد فقرة الغداااااااااااااا القوزززززززززززززي الحاااااااااااااااااااااار
وتفتح الجيس تطلعلك البوخة وتدوخ وتباوع منا ومنا وتثرد وعلى غفلة
تجي الوالدة تكرصك شلون كرصة ويطلع العيد من خشمك
[ندعوك للتسجيل في المنتدى أو التعريف بنفسك لمعاينة هذه الصورة]ورى الغده ماكو احلى من استكان الشاي ابو الهيل
يعدل الدماغ
[ندعوك للتسجيل في المنتدى أو التعريف بنفسك لمعاينة هذه الصورة]وفي ايام الصيف الموشمسة والكهرباء مطفية وابو المولدة مخلص الكاز وكلبك محروك على الكبد
ماكو اطيب من الركي ينزل على قلبك مثل الثلج برررررررررررررررررر
[ندعوك للتسجيل في المنتدى أو التعريف بنفسك لمعاينة هذه الصورة]وفلم الظهر مايحله الا على الهوا المبردة وتجيب كاسه
بيها خيار وتكهد تعزف
[ندعوك للتسجيل في المنتدى أو التعريف بنفسك لمعاينة هذه الصورة]واللبلبي وما ادراك ما اللبلبي احلى لحضات من تكون ميت من الجوع وهستوك طالع من المدرسة
وشفت ابو البلبي كتل عليه مثل الذبان بحيث بودك تسوي تفجير انتحاري وتشوف الكاسة اللي تنكط ورد
انت اخذ خاشوكة قبل النوم وشوف المفعول مالته
[ندعوك للتسجيل في المنتدى أو التعريف بنفسك لمعاينة هذه الصورة]واكيد متنسى بت عمة اللبلبي خالة فاصوليا باللحم ويا التمن وبودك
تذب زروك بالماعون :pirat:
[ندعوك للتسجيل في المنتدى أو التعريف بنفسك لمعاينة هذه الصورة]الكريعات وما ادراك مالكريعات علم من اعلام بغداد
احلى هوا واحلى سمج واحلى صفكة لا حلى كريعات
[ندعوك للتسجيل في المنتدى أو التعريف بنفسك لمعاينة هذه الصورة]ايام الشباب الزيفوني ايام الابتدائية جانت سفراتنه لو للريحانه لو للبرج بغداد
ومن نروح لبرج بغداد عبالك برج ايفل ممصدكين
[ندعوك للتسجيل في المنتدى أو التعريف بنفسك لمعاينة هذه الصورة]
