تسألني على حالي وراح اخبرك بيه

تسألني على حالي وراح اخبرك بيه
مثل منكاش موكد وكتي خلاني
يستنكي الجمر بيه ويعدل النار
ومرات شكثر عله الجمر ينساني
لاتكولي شلون صرنا
ولاتهيج همومناوتنفخ جمرنا
تسأل ورايد جواب
وخايف يتعبك امرنا
خايف يلوحك زفير صدورنا وتكره شعرنا
خايف تصوبك شضيه
من شضايا كلوبنا التنزف قهرنا
شلون صرنا...؟
واحد يسليه نوحه.. وواحد يقنع بروحه ..وواحد يضمد جروحه
ومثل عصرت ثوب بيد معدله وكتك عصرنا
صد على مجره الدمع بخدودنا تعرف امرنا
لاتكولي شون صرنا..
خل سكون الليل يبدي
نسمعك الوان النعى
بكل ضريح تشوف اشكال الشكاوي
تشوف اصغر طفل للنكبات راوي
وتدري من نتسامر بشنهو سمرنا؟
راح اكولك وامري لله وانت كتلي شون صرنا..
نحسب شكد الضحايا الطاحو بسوك المدينه
ونحسب شكم ام حزينه
وجم طفل من عنده بس جنطه لكينه
هذا يالتنشد سمرنا
وهذا بعض من اللظه الماكل عمرنا
والله لو ايوب حاضر صار تلميذ بصبرنا
احنا طحنا ببير مابيه كل نهايه
نريد واحد بيه وشاله من الضمير
يكفر ذنوبه ويجرنا
ياسياسين يااصحاب القراااار
بعد مايحمل جلد ورم ظهرنا
صحنا ماظل صوت عدكم ينسمع مابيه صحنا
صحنا سمعنا الصخر و احساسكم شوماسمعنا
لخاطر الله
لخاطر عيون اليتامه
لخاطرعيون العراق الينتظر لمه شملنا
يااهلنا الفرقه نار
التفرقه طاعون قاتل
يااهلنا خل نزرعه وينسكي بالحب املنا
خل نغطي الوطن بالحب..
بالمحبه يصير هذا الوطن جنه

اووووووووف
وين اليسمعك ياملك ويطبق الكلام
الله كريم
تسلم الايادي كلمات عالجرح والله
تقبل مروري
وتحياتي