الك ياصاح ماظل مني خاطر
واحسبه احساب دربك من اخاطر
تعال كرب حبيبي مني خاطر
تعرف اجنون حبك اسوه بيه
************ ********* *******
يـحلو الاطبـاع واصلني وقارب
ماعندي اهل غيرك وقـارب
سفينه بالبـحر ردتك وقـارب
تشيل الحمل من يثگل عليـــه
************ ********* *********
تلوج الروح ياأحبــابي وراكم
وعجاج الضعن سد عيني وراكَم
يدمرني الحلم بيكم وراكم
ويريت الحلم واليقــضه سويه.
************ ********* ********* *******
وسط گلبي يظل طابع وسمهه
عسل صافي حلو مرهاوسمهه
صفيت متيه باسمي وسمهه
لان هيه النجم واني الثريه
************ ********* ********* *******
[size=21]تتــصور علـيـك ازعل؟ واسد باب الكـلب وارحل؟ .. تتـصور تجيني بحب واكولك روح مااقبل؟ .. انت بكل ميانه مرخص على الروح تجرحها وترد عليها تتدلل .. انا معود عليك ســنيـن تتـطعني و اطيح اكـبالك اتــوسل .. هذا انـت عزيز شلون متصير وعذب حتى المرار البيك ماينمل ..اعـذرك وانا اعرف انت غلطانواغض عيني واكول القـلب يتحمل[/size]
************ ********* ********* ********* ********* ********* **
[size=21]تلوعنة وشفنه كل حلاوتهم ومرهم
والروح تمشي على طوعهم وأمرهم
حبيبي دوه لجروحي ومرهم
تمنيته يجي ويحن عليه[/size]
************ ********* ********* ********* ********* *
قلم كلبي تداين ورقة منك
لأن ماكو بجمالك ورقة منك
وأسجلك أنت الأول ورقمنك
وأكتب لافته محجوز اليه
************ ********* *********
__._,_.___
