قصتي في الحرب العالمية الثانية !!!

القصة من كتابتي وهذا حجي صدك لأن تعبت بيهة حيل .....

كلكم إتعرفون الحرب العالمية الثانية تقريبا بالـ (1939).. آني چان بوكتها عمري 16سنة... المهم گاعد بالبيت ع الأنترنت اگلب بمنتدى زي اون لاين و بالفيس بوك .. دگ الموبايل مالتي (اي لا تتعجبون.. اني من ذاك الوكت عندي موبايل)
اي اكمللكم.. دگ الموبايل.. جنت حاط نغمة مال (النشيد الوطني الالماني) .. شلتة.. طلع (رئيس الجمهورية مال روسيا).. گلي: وليدي.. آسفين على الازعاج بس الوضعية حيل عاوية.. والجيش نصة راح بالزلك.. محتاجيك حيل.
آني صفنت.. إتذكرت أيام الطفولة.. مِن چنت ألعب دعابل بروسيا وية إبن الوزير.
گتلة والله عمو... إبطن عيني.. هسه بس أفوّل المولدة التايگر .. وأجيكم
والله ترست المولدة.. وچيـّـكت الدهن.. وأخذت البايسكل مالتي.. ذبيتة (D).. چان امر على أبراهيم گلتلة تجي وياية الروسيا كلي والله اليوم ما اكدر راسي ديوجعني وعندي تمرين بالقاعة مال حديد .. جان اقبـّـطت سكليتر.. وين؟؟.. على الخط السريع مال (تكريت- الموصل).. ومناك گلت آخذ يمنة على روسيا... والله نص ساعه اني بنص موسكو.. بس شحچيلكم!!.. باردة ثلج.
شغلت التدفئة مال البايسكل و صعّدت الجامات... والله گلتلهم وين بيت رئيس الجمهورية؟؟.. گلولي بقطـّاع 20 يم مرطبات (خوراشوف)
وصلت.. دگيت الباب.. طلع أبو مصطفى (إبن الرئيس الروسي إسمة مصطفى لأن مرتة من تكريت جانت جوارينة).. خطية الرجال حالتة جانت زفت.. حضنـّي.. وگلي الله جابك.. گتلة خير عمو؟؟.. گال هيچ وهيچ السالفة.. والالمان طبوا بينة گول.. گتلة عمو.. صدگ چذب.. اني موجود وهيچ يصير!!!
اني رايح.. منا ليومين ان شاء الله تسمع خير
طلعت رحت على صديقي بروسيا اسمة (نجوان) هذا شقاوة مال تكريت چان وصديقي الروح بالروح.. گتلة نجوان هيچ وهيچ الفلم أريد أسلحة.. گلي تدلل شتريد؟؟.. گتلة اريد 65 صاروخ (أرض- أرض)..... و34 صاروخ (أرض- مي) اقصد (ارض- جو)..... و 89بي كي سي..... و فد 6784 رمانة يدوية...... و54564 لغم منوع بين مضاد للبشر ومضاد للدبابات .. كبلل ما اروح جان يصيحني كلي ترد علچ ابو السهم كتلة علوى
شلت العلچ وخليتة ابحلكي وكمت اعلج ..
والله حطلياهن للأسلحة بعلاگة.. اخذتهن وعدل وگٍبل للجبهة.. وين؟؟.. بالخطوط الأمامية... ما اجذّب عليكم الوضعية صدگ چانت داچـّة (يعني تعبانة).. بس اني اخوكم خوما اخاف!!.. لا يابة لا... گلتلهم للجنود انتوا لمـّوا چوالاتكم ورجعوا لبيوتكم.. مالكم علاقة.. السالفة يمي صارت
باوعت يمنة.. يسرة.. شحچيلكم بلـ (564674534جندي ألماني).. وكل واحد راكب دبابة منفيست حديث.. بس اني تعرفوني سبع.
نصبّت الصواريخ على چتفي وصـّحت...اني إلكم.. طبا طبا.. طاخ طاخ طاخ.. الزگة.. جيبة.. ودي.. الله.. إصلخة.. ألطمة (هاي موسيقى تصويرية).
والله صفيتهم بقوا بس 7 جنود ودبابتين واني باقيلي رمانة وعلچ أبو السهم...... شسويت؟.. لزگت العلچ أبو السهم بالرمانة وشمرتها على الدبابة.. لزگت بيها.. وچان تنفجر.
بقت دبابة وحدة.. ركضت عليها وبيدي قلم أبو النبالات (لحد يگولي منين جبتة.. هوة إجة)... والله وبالقلم گطعت السرفة (التايرات مال الدبابة يعني).. وگفت... گـُمزت عالقمارة.. فتحت الباب.. نزّلتهم بيدي.. واخذتهم أسرى.
طبعا ورة ما هيچ سويت.. إجة الرئيس الروسي وباسني من راسي وگلي:.. وليدي انتة اقوة من گرندايزر والله.. گتلة:.. لا عمو ما سويت شي آني.. عادي.. وانطاني هدية سيارة لادا بعدهة ما ماشية بالچيس.. واشترولي بنطرون كتان أصلي من الصين درجة أولى.. وبوتين أديداس أبو العلامة.رجعت للبيت..وبدلت النغمة مال (جيش الالماني) وخلت نغمة(الجيش الروسي) .. وشغلت المولدة.. ورجعت على الحاسبة اكلب بالمنتدى و الفيس بوك الى حد هذه الساعة ...................

قصة حقيقية

هههههههههههههههههههههههه
ههههههههههههههه
ههههههههههه
والله ضحكتني
عاشت ايدك فواز
تحياتي
محمد

وايدك العايشة والله حبيت احجي لاعضاء المنتدى هاي القصة البصيطة من مجموعة قصص hehehe

وانشاء الله احجيلكم بقية القصص اذا الله خلانة طيبين وتحياتي الك ...

البصيطة لو البسيطة ؟

oh no

خراااااااااااافية ابو الفوز هههههههههههههههههههههه
عاشت ايدك يا مسيلمة الكذاب مال زي اون لاين
laughing

وهاي البطولات لازم تحچيلهم ياها للجماعة حتى يعرفون احنه شنو
بس اني ذاك اليوم تندمت ما اجيت تدري التشنجات موتتني وماگدرت خخخخخخخخخخخ laughing

» قصتي في جبال الانديز مع الغزال !!!!!
» علاء زلزلي الجديده بعنوان ( الحرب الثالثة )
» تقديم عمالقة الاندية العالمية للموسم الجديد 2010-2011:6- تشلسي