( مهم ) التدخين يضر بصحة سايق الكوستر

هلو زي اونلاينات

شلونكم ؟

شكو ماكو

يكلك تحت شعار.... التدخين يضر سائق الكوستر فعلى جميع الركاب دفع الكروة قبل النزول

ينعقد المؤتمر الأول للقيادة العفطية الغير نفطية
لحزب( لسه فاكر موكلنالك مش بوزك كان زمان) لصاحبه عبد جاسب مطلك ال جفجير

وقد تمت مناقشة المواضيع التالية مع صاحب الكوستر

اولا : عدم رفع سعر الكروة والا راح يسوولك الكوستر تفصيخ

تاسعا : وكفة عل الجسر بين السنك والعلاوي ماكو لأن صايرة بالشحاطات واخاف اطك علينه قنينة غاز بايكها نكري

رابعا : على جميع اصحاب الكوسترات منع موضوع الوكفة جوة الكوستر لأن قسم منهم امبين صاير يشتغل على الغاز ونص العبرية صار بيهم ذات الرئة

ثانيا : ان الحزب يؤكد على ضرورة القتال ضد المحتل الغاشم في جميع الجبهات من علاوي جميلة وحتى علاوي الحلة مرورا بجسر السنك والجمهوري وان كان ذلك لاينسجم مع موضوع ازدياد اسعار الكبة في الموصل مجاور جمهورية دمشق السورية

خامسا : ان الحزب يؤكد على ان الأشتراكات هي ليست رشوة كما تدعي المعارضة البلاستيكية لحزب العلاكة المعادة بل هو تقليد ابتكرته حجية ام مطشر لمن رادت تزوج ابنها لبت اخوها قبل مينعدم ولو لزموه واخذوه جيش شعبي وانطك بالدهن وتأسر بس هم لازم مانترك هذه الجمعية احيائن لذكرى زلزال كراج النهضة

اهدعشا : يؤكد الحزب على ان هذه الجمعية يجب ان يقبضها اول واحد ابو تحسين صاحب كهوة عباس ابو الدوشمة ابن حجية نعيمة الحفافة لما قدمه من خدمات جليلة لمسيرة الحزب ابتداءا من هلس كل الباجات بمطعم الحزب الى مرحلة الكلبة بالدخل ورة الدوام

تلطعشا : لقد قام الحزب مؤخرا بعمليات تجميل العفو عمليات تحرير اكثر من العمليات اللي مسويتها ملاية نانسي بت ال عجرم لذلك قرر الحزب بجلسته المنعقدة بحوش ام فوزي التنكجي ان يطلق اسم نانسي على كل حفلات الحزب التنكرية والغير أخلاقية بقيادة الراقصة ملاليم الفلكلورية ( هي كاولية سووها فلكلورية هع) ؟؟؟

صطعشا : ياجماهير باب الشرجي وعكركوف وتل محمد وانت نازل من الجسر على ايدك اليسرة

ان هذا يومكم
وهذه ساعتكم مقصرة وينرادلها باتري
وهذه خواشيكم المزنجرة
وهذه يطغاتكم المزرفة عبالك دكم قبوط نص ردان
قد تحتاجوها بالسجن

ولاتسالوني اي سجن لأن وروح عبيس ابن مطشر جا ماعرفن اي واحد

لذلك على كل واحد ان يضع اشارة او علامة فارقة على .......؟ حتى لمن يطلعون صورنا بالجرايد والأنترنيت وتشوفنه كل امة بروسلي بالمكلوبي اهلك يعرفون انت ياهو بالضبط مو يضلون حايرين انت يا .... منهم عل اليسرة لو عل اليمنة ليفوك ليجوه؟؟ اي اني بلغتكم لأن الأحتلال يؤمن بموضوع الجملة بالصور ويحب المفرد
اي واحد مراح يخلي علامة مميزة راح يشبع رفس بالهندي منا ليوم القيامة وروحها لمرت خالي
اي جندي من جنود الأحتلال يطلب منك فانيلة او صورة كوله لا حتى لو جفص بمصارينك عادي ريسنا جفصوه بمصارينا بقت عليك شلبالكم حتى يعرفون احنه حزب ميخاف من المركة الحارة والتبسي ولا حتى الطرشانة

خمصطعشا : نسيت شغلة يا ايتها الجماهير الرغيفة العفو الغفيرة
ان حزبكم لسه فاكر قد قرر وضع نشيد وطني جديد مستنبط من الفلكلور الشعبي العراقي والذي لم يعترض عليه ولا ابو باجة لحد الأن
وسيكون اغنية النشيد الوطني ويلك ويلك يللي اتعادي ماروخا ويلك
لما فيها من مشاعر للوجدان الوطني المستورد بنوعيه اليابس والمشجر
ولما فيها من مشاعر شفافة لا كلينيكسية وغير قابلة للكوي والشطف بدون قاصر
وايضا لما فيها من رجولة يتحلى بها المطرب الشاب بطل الأغنية اللامع بدون بولش المدعوة ستيل ابو كرون اخو خيته

كما نناشد منظمة هدني واهدك التجارية المحدودة ان تفك ياخة عن جميع المسعولين المذبوبين جوة من سنتين وخصوصا عزوز ابو الثلج لأن نعتقد انه ماع وميضل ليهسا

حيث وردتنا معلومات شبه خطيرة تفيد ان رؤوس وصلعات اسرى الحزب بدأت تضهر عليها علامات وجود صوف قطني غير معروف الجنس والمصدر لذلك نطالب جمعية الرفق بالسلاحف المنقرضة التاكد من صلاحيته قواطي المعجون الموجودة داخل السجن والا الربع راح يصير الجالي عدهم عوق دائم

كما نود ان نطالب مؤسسة الأرشاد الكهروحيواني بايفاد مندوبيها للتاكد من عدم تحول اي سجين الى مواد عضوية تدخل في صناعة جياسة الزبالة والعلاليك المعادة لأن بهذه الحالة الحزب راح يصير معاد
يعني يمكن يطلع اصله بريق او دولكة او صوندة ام الأصبع؟؟؟
عاشت موزنبيق عربية حرة
عاشت امتنا الفلكلورية الماروخية الكاولية العظمى
وليخسا ابو الجبن وكل من يخبط ماي باللبن
وندعوا كل دلالات بورصة نيويروك الدعاء لرئيس جيبوتي

تحياتي لكم ..

عشرينا - عاشت ايدك الموضوع يثول كل شي مفتهمت

ههههههههههههههههههه
هو مال تحشيش .. يعني لازم يثول

ههههههههههههههههههههههه نعل ابليسك حمودي هههههههههههههه
تتذكر اشصار بينه خخخخخ
( الله يخلينو ...) هههههههههه

هههههههههههههههههههههههههههههههههههههههه
الله يلعن شيطانك فواز

ههيء

شگد اكرهك فواااااااااااااز
ههههههههههههه

ادري بيك تكرهني

يللا جرّو منا كافي فضحتونا
ههههههههههه

ما ما

بابا انقلعععععععععععع