تحشيش على طلاب السادس

موضوع: تحشيش على طلاب السادس 29/07/10, 09:36 am

كما تعلمون ان انكَس مرحله في حياه الانسان هي السادس يعني اخطر من مرحله المراهقه والشرب والجكاَاير والبنات وارقام التلفونات

واخطر من المرحله الانتقاليه الي اتمر بيها الدوله حالياهع هع

هسه انت طالب بالسادس راح اتكون حياتك كما يأتي :

1-بالعطله مال الخامس العلمي يعني نجحت للسادس اضل يتفيك براس العام خالي اني بالسادس اني راح اقرا 26 ساعه وهو بالدفرات طالع من خامس وكله محاضرات المدرسين ولازم استاذ فلان بمليون واستاذ فلتان وكله يروح يم استاذ يشوف كم بنيه باله كلها يم بنات ومايفتهم كلشئ من محاظرة بس يفر بأذانه على بنات ومن يدك موبايلها باله يروح يم الرقم ...الخ

2-طبعا هو راح ايكون كَمش يسمع الي اي واحد يعني واحد خريج سادس سنه ال1982 ايكله على ايامنا جنت مانام بس دقيقتين ومقسمها الى 5 اجزاء النوم هذا الاخ هم راح اقلده وعلى الاساس طالب سادس ويسمع لكل الاراء على مبدء ( الرأي والرأي هذاكه) مثل قناه اسبيس تون ويكوم يقلده ويلزم كتاب طبعا اني متأكد بس يباوع على كتاب والصور ويقره بدون تركيز وعلى اساس هذا يدرس

3-هسه تجي المحاضرات باليوم 4 محاضرات ( فيزياء و رياضيات وكيمياء وانكليزي) وهو افرفر على المدرسين الظهاري وهو كلشي ميفتهم وشوفني اني طالب سادس والمحاضرات والمحاضرات وبيده كم دفتر وينزل من باص ويصعد بباص هذا طبعا بكركوك شايفهم من طريق بغداد لتسعين وبالطريق يكتب رقمه على كشن مال باص ويلزم الدفاتر عبالك شوف شنو ويروح للمدرس ويرجع للبيت يتفيك عليهم تعبان مااعرف شنو على اساس هو يقره لاهله

4-اكو طلاب اتحب المحاضرت ويه البنات على الاساس اهيء نفسه لجو الكليه والبنات والزميلات والكَروبات وهو على غير شئ ....! واكو ياخذ المدرس لوحده عمود اهيئ لنفسه جو دراسي منعزل يعني كلش شاطر وميريد احد وياه حتى يكولون هذا طاك اموره عدله

5-وراح ازين شعره صفر وميطلع ابد وعوفني اقرا وتارك نت وتارك التلفزيون وميسوي شغل البيت وبالاخير ايطلع معدل 56 ومأجل كيمياء واسلاميه

هسه الطالب اذا رسب شراح اصير بي :-

[/size]

1-الاب اول مايسمع ابنه رسب كَبر لفك طبعا بكركوك يمنه يكله (عمرو قلماصن اشك منجه خسره قويدو بزه) اي والله الله يطيح حظك سودت وجهي دشوف بت عمك جابت 94% واداوم هندسه شوف اخوانك كلهم مخلصين باجر شنكول للعشيرة وانت راسب اتفوووووووووووووووووووووووووووو عليك قاخ جخ يازيه
طبعا هو يدافع على نفسه يكول والله درست وبقلبه صوجي لو مامنطي رقم لفلانه صوجي لو دراس

2-الام اول ماتسمع ابنها رسب ياخساره تعبي وسهري ولوعه كَلبي ودموع عيني راحت هدر اهئ اهئ
(منجه يورلدم منجه يماغ ايتم منجه بره ويردم نشه بله هديدم اوخه)

3-اصدقائه هو هذا اثول مال دراسه كَظه السنه اروح لمدرسه وشايل كتبه ويفتر وميدري شنو هاي الكتب والجدول على طول مضيعه حيـــــــــــــــــــل بيك رسبت هذا الي يركض وره البنات تذكر من جنت تركض وره فلانه وكتلك ادرس بس ملزمة كلامي وكتلك الزم استاذ ايفر واستاذ سعد بس شسويلك تستاهل دروح

4-الجيران حيل بيك رسبت احسن النهار كله فاتح تلفونه ويسمع كوكهان اوزن واسماعيل يك حسام الرسام ظل البيت لام طيره واتريدونه ينجح ويباوع علينه من حائط ولازم كتابه بنفس وقت ويفرفر بالحديقه وبالسطح بحجة القرايه

5-المجتمع الي ماعنده شهاده سادس حاله حال .... الجلا.....!

6-المستقبل الي الطلاب س الراسبين مطلوبين كابائعين بانزين على الطرقات ( بحاره يعني)

هسه الطالب اذا نجح شراح اصير بي:-

1-الاب اول مايسمع ابنه نجح والله انت بيضت وجهه ابووووووووووك وفرحتني هاك افلوس وتريد اخطبلك لو تريد اشتريلك سياره لو ادزك تدرس بتركياوهسه بدل ملابسك نروح لشارع جمهوريه شتريد اشتريلك و بووووووووووووسه اموووووووووووح
عفارم سنه اوغلم باشم قادردو اشته بله ادم اول اينده كيفك كالده

2-الام اول ماتسمع ابنها نجح والله تعبي وسهري ولعه كَلبي ودموعي مارحت هدر كوووووووووووووليش يمه
عفارم سنه اوغلم ايتغم يمغلار كيتماده بوش يره برلارم كيتماده اينده تلفون ايدرم دايوة ديزة

3-الاصدقائه والله هذا الاثول طلع شاطر ويشتغل دفن ويقرا من ورانا واحنا انكوَل هذا لويش ميطلع طلع دايقرا بس والله عجيبه اشون سيطر على نفسه هو جان بالمدرسه ميدخل محاظرات بس يشرب جكاير ومن يطلع يوكف بدرب ازدهار واعدادية كركوك ويحجي ويه كومه بنات ويغش دائما حظوظ والله .....
[size=16]بوره ورده بزه

[b]4- الجيران والله ابنها يستاهل ليل نهار بالسطح يقرا وهاي نتيجه تعبه والله يفقه ويسهله امره ومن يشوف امه اي مبروك عليج وتظل ساعه تحجي بالاخير اكلج لازم تذبحين فد خروف لانه ابنج نجح كبل تخلي عيونها بالاكل

5-المجتمع هل الايام الي عنده شهاده سادس يكَدر احصل شغل وين مكان !

6-المستقبل الى خريجين هناك منحات دراسه الى تركيا اوكَرانيا وروسيا وفلندا

موضوع: رد: تحشيش على طلاب السادس 30/07/10, 01:06 pm

هههههههههههههههههههه [ندعوك للتسجيل في المنتدى أو التعريف بنفسك لمعاينة هذه الصورة]
والله خطية الله يكون بعونهم .. والله لا يعود هيج ايام علينه ...
.. وبالمناسبة مبروووك نجاح اخوك من السادس ..ويوم تخرجك انته هم من الجامعة
تحياتي سنيور كريييييد

موضوع: رد: تحشيش على طلاب السادس 30/07/10, 05:36 pm

ههههههههههههههههههههههههههه
والله خرافي انتي
موضوع حلو
هههههههههههههههه
تحياتي الك

موضوع: رد: تحشيش على طلاب السادس 01/09/10, 11:40 am

شكرا حبيبي ابراهيم وانشاء الله تخرجك وياية

موضوع: رد: تحشيش على طلاب السادس 01/09/10, 11:45 am

والله يامدير الخرافي هو انتة لان جمعتنة بهذا المنتدى

وشكرا على مرورك

» تحشيش
» حصريا صور طلاب واساتذة ستار اكاديمي 7
» اغنية mp3رابية لطلاب السادس العلمي خنفشارية