الفرق بين الولد والبنات بالامتحان ؟

البنات بالأمتحان
قبل الاستاذ بنص ساعه هيه جايه وماسحه الكرسي بالكلينس وكاعده لازمه الكتاب ومترتاح لو

يجي مدري منو ولمن اجه الاستاذ ووزع الاسئله البنية بسرعة تشوف الاسئله بس شافت السؤال

الاول اشتغلت اتكول مكينه وجلبت بالورقه (عبالك بس تترك الورقه الورقة تركض ) ها ونسيت

اكلكم طبعن هيه شايله ( ست اقلام ) من غير الالوان والمساحات والمقطاطات ( لا اكلكم ولا

اتكلولي قبل الامتحان بيوم هيه نازله لسوق المتنبي تشتري تريله اقلام ومساحات) خلصت الامتحان

اتراجع الورقه خمسين مره واتكوم اتسلم الورقهأما بالنسبة للولد
يجي وره الاستاذ بنص ساعه يسأله الاستاذ وين جنت؟ يبدي الولد يكذب( استاد والله صارلي

ساعه ادور عل قاعه الامتحان وين مدا اندله خلف الله على حجي جان واكف بالركن مال شارع

ودلاني القاعه) الاستاذ بعد الحجي والرزاله ايكله يله طب طب للأمتحان طبعا ماكو كرسي يكعد

عليه لان جاي متاخر ايكله استاذ اروح اجيب كرسي لو اكعد بالكاع يبدي ايطلب من جماعته

الورقه والقلم لو ينطو لو الاستاذ ينطي وبعدين يلزم الاسئله طبعا هوه كلشي مقاري بحياته مشايف

الكتاب شي اكيد بعدين متدري منين البراشيم تطلع وما احجيلكم عله عيونه اتكول امشغلهن رادار

بس يلكف كلمه يكتبهه ميدري صح غلط المهم يكتب ويترس الورقة هناك ولكفه الاستاذ وياخذ منه

البراشيم ويرد ايطلع غيرهن مستنسخ الملزمه ميت مره امكضي اليوم الي قبل الامتحان يم ابو

الاستنساخ يستنسخ نسخ زغيره من الملزمه من غير البراشيم اليكتبهن بيده طبعا الاستاذ ضاج من

حياته كلما ياخذ منه البرشومه ايطلع اللخ ويضل لنهايه الامتحان اذا ميعرف شي يلزك بالكرسي

اتكول لازكي بصمغ الى ان الاستاذ يتوسل بي ويكلله رحمه لوالديك بس خلص ومنوره حرقة قلب

الاستاذ يجي على الولد ويكلله يمعود بس كلي يا سؤال متعرفه وايحله السؤال وياخذ الورقه

صح لو غلط ؟
تحيتي
م

صحيييييييييييح
يضحكون والله اثنينهم الولد والبنات هههههههه
شكد حلوة الكلية بكل سوالفها اريد ارجعلهاااااااا
شكرا حبي وزميلتي بالتحديق عالموضوع الحلو

ههههههههههههههههههههههه
تسلملي الضحكة الحلوة
منورة ياكلوب ابو الف [ندعوك للتسجيل في المنتدى أو التعريف بنفسك لمعاينة هذه الصورة]

والله صحيح ههههههههههههههههههههه [ندعوك للتسجيل في المنتدى أو التعريف بنفسك لمعاينة هذه الصورة]
بس مو آني الي ينطبق عليه المثال..آني اشغل رادار مو ما اشغل بس من انحصر فد نوب يعني المخ يقفل [ندعوك للتسجيل في المنتدى أو التعريف بنفسك لمعاينة هذه الصورة]
طبعا عندي أصدقائي بالقسم فنانين بالبراشيم..يكضوووون اليوم كله نقش نقش نقش وميقرون ..بالله لو قارين مو احسن من هاللعبة الخطرة؟! [ندعوك للتسجيل في المنتدى أو التعريف بنفسك لمعاينة هذه الصورة]

مشكوووووووورة على الموضوع الجميل وتسلم ايدج ومفاصلها
على الموضوع
يا ملوكه [ندعوك للتسجيل في المنتدى أو التعريف بنفسك لمعاينة هذه الصورة]

تسلم ايدك ومفاصلها على ردك الحلو ياورد [ندعوك للتسجيل في المنتدى أو التعريف بنفسك لمعاينة هذه الصورة]

» الفرق بين الولد والبنات لمن يفرحون
» شوفوا الفرق بين البنات الاوربيات والبنات العراقيات
» الابراج والبنات