هل رأس العراق يرفع بأسم مغني ؟؟

السلام عليكم ورحمة الله وبركاته

اود ان اناقش اليوم موضوع اهتمام الناس وثقتهم بأن تصويتهم لمجموعات تتنافس على الغناء سوف ترفع رأس واسم العراق ..

منذ متى واسم العراق يرفع بأسم مغني ؟؟؟؟؟؟؟؟؟

العراق بلد ذات الحضارات العريقة ..
له رفعته وشهامته عرف بالنزاهة و الغنى ..
اهله غيورين و شريفين عرفوا بهذاااا الاصل الطيب .

هل تعتقدون ان من يغني او يشارك بمسابقات الغناء ويفوز سوف يرفع رأس العراق والعراقيين ؟!!

هل اصبح العراق يخلو مما يدعو للفخر فأصبحنا نلجأ للمغنين للتفاخر بهم ؟؟؟

شاركوني النقاش فرأيكم يسعدني

الصراحه مس انكلش مثل ماكلتي العراق بلد الحضارات واله الكثير من الامور اللي يتفاخر بيها
واسمه يرتفع بيها

واله ماضي اشتهر بي في جميع المجالات العلميه والادبيه والصناعه والزراعه والطب والشعر ...الخ
يعني الااباء والاجداد بنو اساس قوي للعراقيين بمختلف المجالات بس العتب على الابناء اللي مستغلو هذا الشي وتوقف التطور

يعني ليش من ينذكر اكتشاف مهم او انجاز علمي عراقي لازم قبل كذا مية سنه؟
بالوقت اللي جانت الامكانيات محدوده بس اكو ابداع

وبسبب الظروف الصعبه اللي مرت على العراق وماشاء الله كل القنوات تنقل الوضع السئ وياهو اليجي يكول خطيه
وكل عراقي خارج العراق يعاني من هذا الكلام على انتو عراقيين خطيه ضروفكم صعبه ومن هذا الكلام
ولازم نخلي بنظر الاعتبار الجيل اللي شهد التطور والانجازات السابقه انتهى وراح
اجه جيل جديد يريد الجديد وديشوف التطور الحالي
وللعراقيين حاليا ماكو تطور يذكر
فالعراقي كام يتمنى اي شي يرفع راسه بي ويتفاخر بين الشعوب ويرجعله مكانته
ولوباقل الاشياء كالغناء او الرياضه

وهذا شئ مؤسف وان شاء الله يرجع العراق ياخذ المركز الاول بكل المجالات
والله كريم

شكرا حبي على الموضوع واتمنى تتقبلين مروري ووجهة نظري

تحياتي

صحيح كلامج حبيبتي
هو صرنا ندور اي مجال نتباهى بيه ومن ابسط الامور اللي هي عند باقي الدول تعتبر لاشئ
شنسوي هي هاي المؤامرة اللي صارت عالبلد حتى يحطمون قدرات شعبه وطموحاته
اسعدني مرورج ورأيج وكلامج حبي بنت الغزالية نورتي
تحيااااااتي الج

هاااااااي مس حبي شلونج احب انطي رائي بالموضوع

جوابا لللموضوع طبعا لا رأس الوطن يرفع بشي ينضاف الة والحضارتة والتاريخة مو شي عابر او مؤقت مثل الفن والغناء
اللي ينتهي مجردد يتنهي مفعولة وعصرة بس مو بجميع انواع الفنون طبعا فن الغناء بالذات خاصة وبهذا الوقت
اكو فنون تشكيلية بالعراق روعة وغيرة فنون تاريخية تبقى بصمة ويذكرها اي دولة واي وطن
وتكون مضافا للرصيد الوطن اللي ترفع اسمة وتذكرها دائما
مثلا اضرب مثال باعتبار اللعبة الكرة القدم فن كاي فن يحترف بي شعب
فالبرازيل اشتهرت وانعرفت بالتفنن شعبها بهذة اللعبة
اذن بالنهاية فن الغناء ميرفع راس الوطن والعراق بالذات لان له قيم وتقاليد صعبا يعترف بمجال مثل هذا المجال
شكرا الج حبي مس

هلوووووووووووو اني اجيت
والله ياحبي هي مو قصة رفعة راس
بس يمكن انو تصويت الناس للمغني مثلا تلفت انظار العالم له
مثلا يكولون هذا الانسان ينتمي لهذا البلد
يعني هذا البلد بيه عدة مواهب
اني اشو مابيها شي
لان رغم الجراح الي يمر بيها العراق بس شوفي اكو الي يغني
واكو الشاعر واكو هواية مجالات
اني اشوف مابيها شي
تحياتي

شكرا حبي ملاك ورأيج اسعدني
وان شاء الله اسم العراق يبقى مرفوع بكل الميادين
نورتي حب

هلوووووو جوجو
حبي كلامج صح بوقت اللي جان الفن والمطرب يقدم كلمة محترمة وبيها معاني واهداف
بس هسة لا والله ولا مطرب من هذا الزمن افتخر اكول من العراق ورفع راسنا
طبعا بغض النظر عن الفنانين المحترمين - بدون ذكر اسماء حتى ما انسى احد -
ومشاركتج بالموضوع تشرفني وكل الهلا بيج

تحياتي الكم

» رساله الى العراق وحكام العراق
» موقع رائع به افضل الاغاني لكل مغني MP3 + Lyrics
» نموت نموت ويحى العراق ...منا لشعب العراق