ياوطن يااحلى جنة .............. اهداء لكل مغترب

ياوطن ياأحله جنَّه
ياعيون اُمنه وأهلنه
بس هذوله اليعرفون
شگد غلاوتنه وثمنَّه
وبس گلبهم يحس بينه
مِن نگول الدهر ذلنه
شما يطول الزمن نبقه
اغراب لو بالسِمه صرنه
نظل مثل الورد يبچي
لطينِته البيهه انشِتَلنه
سْتَونه حسّينه من اهد
ماودِّعونه احنه انكِتَلنه!
وين العيون الجميله
الدافيه الچانت حِضِنَّه؟
وّين الگلوب اللي مِن نرتعش
تتراجَف گبلنه؟
حتّه لسعات العذاب
إلهه طعم ثاني بوطنَّه
لأن كل الناس يوصلهم
ويه النسمه حزنَّه
غلط مِن ردنه نداوي
الجرح بدّلنه نَزلنه
گبل ماكتِّينه دمعه
ببابه خَيَّب كل أملنه
سْتَونه حسّينه من اهد
ماودِّعونه احنه انكِتَلنه!



سلاااااااااااامي

هلا وغلا بميكو ان شاءلله يوم اللي اشوفك منورةاللعراق

شما يطول الزمن نبقه
اغراب لو بالسِمه صرنه

حبيبتي كلمات حلوة ومؤثرة وراح ابجي [ندعوك للتسجيل في المنتدى أو التعريف بنفسك لمعاينة هذه الصورة]
تقبلي مروري

والله حرام اريد ارجع معلية معلية والله خليتيني احن للعراق كلش
تقبلي مروري

اميــــــــــــــــــــــــــــــــــــــــن