عراقي منبوذ

موضوع: عراقي منبوذ 19/02/10, 03:58 am

عراقي وصرت منبوذ آنه اليوم وتلوم الناس بيه

ممحصل انا اي شي بس الهويه

واحد يكول بعتوها او واحد يكول ارهابيه

او واحد يكول صرتوا عدنا هوايه ويريد يسد بابه عليه

اتمنيت اكعد من النوم والكه واحد مثل زايد عليه

ويكولي هاك حصتك من النفطات روح تونس شويه

واتمنيت نرجع للعراق اليوم وأسد حدودي عليه

واكول ممنوع دخول الاردني والسوري والمصري وولد اليهوديه وممنوع دخول كل جنسيه عجمية وعربيه

وألكه شعبي فرحان وبغداد كلها مضويه

ولا شيعي ولاسني ولاكتل على الهويه

واشيل الحكومه كلها والعن ابو الطائفيه

واحطهم بجدر حامي واسويهم هريسه للحسينيه

ونبني مول جبير بصف نادي الهنديه

واضوي العرصات وتنظفها البلديه

ويرجع ابو نؤاس والجادريه

والكرادة وزيونه والحارثيه

واسوي ملعب جبير من الثورة للحريه

ونبني مبنى جبير بس ديسكوات ونوادي ليليه

واكتب لافته جبيرة ممنوع دخول السادة والوهابيه

وابنص دجلة برج جبير على عناد الخليجيه

واسوي نافورة طويله اطول من نافورة جده بالسعوديه

ويرجع كل عراقي باوربا وامريكا وبالدول العربيه

وترجع بغداد حلوة على عناد ايران والدول العربيه

بس مو كلها تريدوها هسه هاي بسنه 2100

موضوع: رد: عراقي منبوذ 19/02/10, 05:23 am

حلووووووووووو

تسسسسسسسلم ايديج يا ريمان

وتم نقل الموضوع للقسم المناسب

تقبلي مروري

موضوع: رد: عراقي منبوذ 19/02/10, 07:40 pm

هههههههههههههههههههههههههه
امنيات هواية وللأسف تحقيقها صعب
تحياتي الج شكرا عمري

موضوع: رد: عراقي منبوذ 20/02/10, 05:46 am

اوك حبيبتي فراشه تسلم ايدج

وتحياتي الج

موضوع: رد: عراقي منبوذ 20/02/10, 05:47 am

جوجو حبي صحيح تحقيقهه

صعب

تحياتي الج حبيبت كلبي انتي

نورتي

موضوع: رد: عراقي منبوذ 20/02/10, 07:39 pm

ياريييييييييييت
والله مع الاسف هاي ابسط حقوقنا صارت اماني مستحيلة التحقيق
شنسوي نكول الله كريم
عاشت ايدج حبيبتي قصيدة روعة وتخلي الواحد يجر حسرااااااات من يقراها
تقبلي مروري حبي
وتحياتي

موضوع: رد: عراقي منبوذ 22/02/10, 04:04 am

مرورج روعه

حبيبتي مس انكلش شكرا الج

» راااااااااااااااب عراقي
» واقع عراقي
» شكسبير.. عراقي من اهل البصرة !!!!!