محاورة تبكي العيون بين الأب وابنه عن الغربة

هذه محاوره بين ابن ووالده ارجو ان تنال اعجابكم

الولد......

يبوية الحمد لله واحجي وياك صار سنين صوتك ما سمعتة
اعذرني يبوية العبرة بالروح اون هسة اون بس ونتي سكتة
شلونك يلي روحي لروحك تدير شلونك بوية عل صبر الصبرتة
الوالد.....
شلوني...
انا البية المصايب نزلن رداح نحنى ظهري يبوية بدونك انتة
ربيتك جرح من عمري ظنيت تعوضني التعب ذاك التعبته
شضنك افترق ولوحدي ضليت القلب ماظن تهود يوم ونتة
شحجيلك يبوية شسوة الفراق بغيابك جبل من هم حملتة
الولد....
بوية ومانسيتك انا والله بعدها دموع عينك يمي تذكار
جمر هذا القلب ما ضل صبر بي وانا الخاطر اعيونك احمل النار
مو قصدي الفراق ولاني اهواه بس شفت الوكت وياكم اندار
تحملت الغرب بس كون اوافيك لجن ندمان بوية على الجرى وصاار
الوالد......
شفت..شفت الغربة بوية وحالك شلون الغريب شما تعب ما يلقة راحة
هلك بوية لومرك الغيض تلكة وجوه مملية بسماحة
انا الردتك يبوية لساعة العوز الوكت هسة الوكت طبعة الوكاحة
شتان...
الليالي للاحبهم صدق شتان
وعلي بالصيف لا يالولد شتان
تعال انتة بغربتك بعد شتان
طحت انا الوكت دك حيل بية
الولد.....
بوية الغربة ذلة وانا ذليت وحسيت الغرب مالايك وياي
الف موتة انا اموت وانتهي هنا ويا بوية شثكلها هموم دنياي
اذكر مشيتك ولمة البيت يهزني الحلم جنك بالصدق جاي
افز اتمرحب واعثر بالاشواق وعل خدي نار تنزل بوية مو ماي
ماظن الكة مثلك لاولايصير انا بهيبة عقالك ارهب عداي
الواااالد.....
بجيني دمع ما ينزل من العين خل من قلبي دم لفرقتك يجري
توسلت الصبر من شفت قلبي اعتاس بس خان الضنون ومانفع صبري
اشتاق اللك دمعة بكد حنين الروح صفة وكتي دمع وك وشلت عمري
ردتك تجوة الي بيوم اليذبني الضيم طحت هسة انا بعدك وانكسر ظهري
ويابوية غربتك بسمرت بالروح اكل قلبي الفراق وانت ما تدري
الولد......
شمدريني الوكت ما ينصف وياي
لو ادري اعتقد ما فارقتكم
اشتريت الغربة بس صدقوني بعت الدنيا كلها وما بعتكم
هلي شجم ذكرة ضلت يمكم هناك
وجم صورة بالحيطان عدكم
والريت
بنار افراقكم يحباب وريت
وعلي انا درت التراب والريت
خلص عمري بتمني وعسى وريت
عكس كلشي الاريدة يصير اليه
بوية شلونكم والله انا مشتاق
اتمنى انا يمكم هسة غافي
رصيف الغربة متعب نومتة شلون اذا مو ام تنومك بالعوافي
ياذلة غربتي وذلة الروح وعلى جمر القهر كمت امشي حافي
اذكر كعدتي وكومتي وياك يبو قلب الكل عمرة صافي
الواااااالد.....
ها بوية شفت نار المسافات وشفت الغربة هسة وحالك شلون
يبني الغربة مو وحال من حال ويحتاج الغريب لدمعتة عيون
تعال وشوف بيتك والحياطين على كل ذكرة منك يونوون
واخوتك لو خواتك يلولد لا يشوفون اصدقائك لمة يمشون
يصير البيت دمعة ويشتعل نار وقبل لاتبجي امك همة يبجون
بعد لسة غرفتك بيها الاشواق وبعد كل ذكرياتك لسة بيها
من اشتاق الك وتهزنا الهموم نجي وبدموعنا نعاين عليها
الولـد..........
وانا لوحدي وصوركم كلها وياي صارلي صبر كل التصاوير
افرشهن كبالي من يجي الليل واحس العين هية بلا وعي ادير
هاي امي وابوي وكل الاحباب يكون الروح طير ويمكم ايطير

تقبلو تحياتي

هاي ليش هيج جوجو والله حرام عليج ةانتي ضالمة ليش هيج
والله ذكرتيني بأختي واخواني كل واحد بدولة
والله بجيتيني مااكول غير الله يسامحج
تقبلي مروري
تحياتي

الله يسامحج اني ظالمة
حبيبتي اني هم مثلج والله
صرنا كل واحد بمكان
تحياتي الج

ان شاااااااااء الله كلكم ترجعون ونشوفكم على ارض وطنكم
كلها فترة وتعدي والله
اعتبروها فترة سياحة وتغيير جو
مجرد وضع مؤقت لمن يصفى حال البلد وكلشي يرجع لمكانه
والموضوع روعة جوجو ويدك بالكلب والله
عاشت ايدج
تقبلي مروري
وتحياتي

حبيبتي مس انكلش
اشكرج على هاي مشاعرج
بس شغلة الرجوه هي صعبة وصار هذا واقع حال
على العموم اشكرج حبيبتي
مع خالص تحياتي لكي

» قصة تبكي القلوب وتدمي العيون
» فقدان الأب ليس سهلا
» اجمل العيون