حلم البنات العراقيات

موضوع: حلم البنات العراقيات 09/02/10, 04:04 pm

أني بنت عراقية
صبية جميلة بغدادية
حلوة ؟ أكيد حلوة
لأن ماكو عراقية ما تملي القلب والعين

أحلم مثل كل البنات
لا مو مثل كل البنات لأن أني عراقية
والعراقية ما تشبه أي البنات

أحلم بعريس زين يحمل هواية صفات
هي صفات بسيطة
بس كلش مهمة الي كعراقية

أحلم بعريس يحبني أكثر من كل البنات
وأكثر حتى من حوريات السماوات

أحلم بعريس مثقف أنيق
مو لابس بجامة ومتطوع بالمليشيات
أحلم بعريس ما ينتمي لأي حزب أو هيئة أو تيار
أريده ينتمي بس لأرض العراق

أحلم بعريس مدرس ، مهندس ، عامل
بس ما أريده ابد بعد دكتور
أحلم بأديب ، شاعر ، كاتب
بس لا يكتب عن الديمقراطية والأنتخابات
ولا يكتب قصايد عن الأحزاب والفدرالية

أريد بيت على شواطىء الأعظمية
والذهب من سوق الكاظمية
أريد بحنة البصرة أنقش أيديه
وبخلاخل الموصل أزين رجليه

أريد عريس أهله من المذهبين
وأصدقائه أكراد وجيرانه مسيحيين
وهمينة صبة وتركمان

أريد بعرسي تدبك فرقة العلم
ويغني حسام الأسمر الزين
وبعد أحسن لو وياهم لندا جورج شحرورة الكلدوأشوريين

أريد عريس يلبس بالعرس قاط وأحلى رباط
ولا يكلي الرباط مو عادتنا
لأن أني عروسة عراقية مو فارسية

يلبس دشداشة همينة ميخالف
بس لا يكصرها عبالك ده ينافس صبايا لبنان
لأن أني عروسة عراقية مو سعودية

أريد أني البس فستان أبيض جميل
وأنثر شعري الطويل
ولا يكلي حجاب وحرام
لأن أني عروسة عراقية مو أفغانية

أريد عرسي يكون عرس عراقي مغنى وهلاهل وفرح
ولا يعزل الجنسين ويكول عرس وزفة شرعية
لأن أني عروسة عراقية مو عروسة بدوية أردنية

أريد شهر عسل بجبال دهوك والسليمانية
بس لا يفرشولي سجادة حمرة
ويستقبلوني بحرس وفرقة وأستعراض
لأن أني مثلهم عراقية
أقصد همه مثلنا عراقيين

أتمنى الله يرزقني بأولاد وبنات حلويين
من يسألوني : يمه أحنا شيعة لو سنة
أضربهم على حلكهم وأكوللهم:
أنتو عراقيين وبس

العفو ، نسيت .. أحنا ببلد ديمقرطي
العنف والضرب ضد القوانين
راح أحضنهم بحب وحنان وأكوللهم
أكسكيوزمي ماي جلدرن
أنتو عراقيين وبس .. وهذا هو المهم
وصدكوني هذا حلم كل بنت عراقية

موضوع: رد: حلم البنات العراقيات 10/02/10, 06:29 am

اي والله اي والله
هذا حلمناااااااااا واحلى حلم
ومانريد اكثر والله العظيم
روعة الموضوع جوووووووجووووووو
وتـــــــــــم تثبيتـــــــــه
واللي عدها غير حلم فهاي ماتنتمي النا ولا للعراق
عاشت ايدج وردة انتي
تقبلي مروري
وتحياتي

موضوع: رد: حلم البنات العراقيات 10/02/10, 06:32 am

عاشت احلامج ولله

تحياااااااتي الج

موضوع: رد: حلم البنات العراقيات 10/02/10, 02:42 pm

حبيبتي مس انكلش أولا مشكورة عالتثبيت الحلو
وياربي تتحقق كل أحلامج يا أطيب عراقية

وتسلمين ياملاك
ياربي تتحقق كل احلام بنية عراقية

موضوع: رد: حلم البنات العراقيات 11/02/10, 06:41 am

عاشت ايدج وحنة الي بالغربة
ميطلع بدينة بس نحلم لانهو احنة بعيدين عن احلى واغلى شي عدنة هوة بلدنة الغالي
واني عندي اهم شي بالعريس يكون عراقي
وماأبدل الشاب العراقي برجال الدنية كلهة العالم كلة يروح فدوة للشاب العراقي
كلة شهامة وغيرة
وربي يحفض كل شاب وشابة عراقية
كولو اميــــــــــــــــــــــــــــــــــــن
تقبلي مروري
تحياتي

موضوع: رد: حلم البنات العراقيات 11/02/10, 08:07 am

اااااااااااااااااااااااااااااامين
حبيبتي الله يحفظج ويحفظ العراق الغالي علينا كلنا
أسعدني مرورج يانونو

موضوع: رد: حلم البنات العراقيات 15/08/10, 06:47 pm

هاي شنو هالاحلام ياجوجو
انا اعترض
انا سوري وحبيبتي عراقية
انا سوري بس لا انا كردي ولا سني ولا شيعي
ولا انتمي غير لانسانيتي
وحبيبتي هي كل حياتي وما اتمنى اعيش غير وياها بسورية لو بالعراق ماكو فرق
هههههههههههه........ يعني العروس عراقية اي بس مو ضروري العريس يكون عراقي
تقبلي تحياتي يا غالية
وعنجد هاي الكلمات أكثر من رائعة

موضوع: رد: حلم البنات العراقيات 15/08/10, 07:45 pm

لا لا تخاف يا اسامة انت من عدنا وبينا ههههههههههه
واكيد مو شرط سواء كان العريس عراقي او سوري
بس المهم البنت ترتبط بأنسان يحميها ويحبها من كل قلبة
يسلمو اسامة عالمرور
وربي يخليلك حبيبتك
تحياتي الك

موضوع: رد: حلم البنات العراقيات 03/09/10, 09:44 pm

والله كلام اسامه صح مو شرط
انه يكون الزوج او الزوجه من نفس الجنسيه
مو باله اسامه

موضوع: رد: حلم البنات العراقيات 03/09/10, 10:04 pm

اي صحيح
واني كلت المهم البنية ترتبط بانسان يحبها ويصونها
وشكرا على مرورك الغالي

» شوفوا الفرق بين البنات الاوربيات والبنات العراقيات
» دلع البنات
» أحلام البنات