لو كنت العميــــــــــــــد ؟!!

[ندعوك للتسجيل في المنتدى أو التعريف بنفسك لمعاينة هذه الصورة]

مرحبـــــــــــــــا بجميع الطلاب بمنتديات زي اون لاين

وحتى المتخرجين هم اهلا وسهلا بيهم وبمشاركتهم بالموضوع

اريد اسأل كل واحد منكم

لو استلمت منصب العميد بجامعتك شنو الاجراءات والتغييرات اللي راح تسويها بالجامعة ؟؟!!

[ندعوك للتسجيل في المنتدى أو التعريف بنفسك لمعاينة هذه الصورة]

اذا كنت طالب حاليا فشاركنا برأيك وكول شنو الافكار اللي ممكن تضيفها في سبيل تطوير الدراسة الجامعية وجعلها اكثر متعة وفائدة ؟!

واذا كنت متخرج هم انطينا امنياتك اللي كان ممكن ان تنفذها لو كنت عميد الجامعة او الكلية ...

[ندعوك للتسجيل في المنتدى أو التعريف بنفسك لمعاينة هذه الصورة]

وياهلا بكل الاراء والمقترحات

للجميـــــــــ تحياتي ــــــــــــع

حبيبتي ولو اني ممجربة الحياة الجامعية
بس هم راح أكولج رأيي
اكو شي نفتقدة بالعراق او بالمجتمعات العربية خاصة
انو المدرسي ميحاول يصادق الطالب
تدرين هنا المدرسات ويا الطلاب عبالك صديقات والمدرسين أصدقاء
حتى المدير تلكيه صديق لكل الطلاب بهاي الحالة يطمنون الطلاب اكثر ويخلون الطالب يحجي كلشي الي بداخلة
اما العميد بالعراق تلكيه شايل خشمة وميتحاجة والله مايجرعة
اني اذا اصير عميدة بالكلية غير اتعامل ويا كل الطلاب واصير الهم مو عميد صديق والأساتذة اذا ميمشون عدل شسوي بيهم وأسوي الجامعة مملكة الكل يتمنى يدخللها
وهاهية اتمنى ما اكون طولت
تحياتي

صحيح جوجو كلامج
واحنة راح نطرح افكارنا هنا على امل ان يقراها بيوم واحد من المعنيين بالموضوع ويطبق ولو جزء منها
وهواية امور تحتاج للتغيير والتعديل بأسلوب التدريس والادارة الجامعية بالعراق
نورتي الموضوع واسعدني رأيج الحلو
تحياتي الج

اني بالنسبة الي غير لو اصير عميد
1- ماكو زي موحد
2- ماكو تنانير 3- ومثل متكول جوجو

حبيبتي مس انكلش اني لو اصير عميد

اول شي الغي الزي مثل مكالت هبا

واسوي نظام ترفيهي

حتى ميصير ملل

اكلب الجامعه باختصار

واخلي كل واحد يكدر يعبر عن رئيه بكل صراحه

والباقي مثل مكالت جوجو تحياتي الج ياسندريلا

ههههههههههه شنو سالفتكم وية الزي
هيجي متعقدين منه
اني بالعكس راح اشدددددد على الزي والالتزام بي
بس اكثر من السفرات والاحتفالات بالجامعة حتى يطلعون قهرهم ويلبسون براحتهم
شكرا ياحلوات - هبة وريمان -
نورتوا الموضوع وصاحبته
تحياتي الكم

هااااااااااااااااااااااي طبعا اذا عرضو عليه اصير عميد اكيد ما اقبل اذا حالي حيصير مثل العميد الي حاطته مس انكلشش هههههههههههههه خطيه راح يموت اما للزي الموحد فهو ضاهره حضاريه اتوقع تميز طلاب الجامعه عن غيرهم وبلمناسبه اني مخالف الزي ويوميه الصبح بلكوه ادخل ههههههههههههههه تحياتي
rayan_vip_man

ههههههههههههه
شنو هاي انت ريان خرافة
اول شي احييك لان انت اول واحد مع الزي الموحد مو ضده
وما احييك لان تريد الزي وانت ماملتزم بي هههههههههه
شنو سالفتك
يلة ان شاء الله تصير عميد بيوم وتحقق اللي تتمناه
نورت الموضوع بمرورك الحلو
تحياتي الك

طبعا اول شي احب اشكر المس
على الموضوع والطرح الجميل...

بالنسبة الي إذا صرت عميد الكلية..وخاصة كليتنا جديدة صارت لان جانت قسم من كلية القانون وبعد ما حطو عميد بيها لذلك أكو أمل يخلووووني العميييد ههههههه [ندعوك للتسجيل في المنتدى أو التعريف بنفسك لمعاينة هذه الصورة]

اذا آني العميد:اول شي اتابع حال الطلبة النفسي..واشوف اسباب عدم رغبتهم بالدراسة..

ثانيا احاول اصير بشوووووش ومبتسم مو معقد ووجهي يكتل ذبان [ندعوك للتسجيل في المنتدى أو التعريف بنفسك لمعاينة هذه الصورة]

ثالثا احاول اشجع ابداعات الطلبة واخليهم يرغبون بالدراسة اكثر

رابعا:إذا جانت اكو مادة تدريسية معقدة وصعبة والدكتور الي يدرسها هم معقد رأسا اطرده واديحه

لأن آني أعاني من هاي الحالة..يعني المادة معقدة واليدرسك بيها هم معقد متكوووولي شلون راح تنجح؟

اما بالنسبة للزي الموحد:هو الهوية الدالة على الطالب الجامعي..وهو يساوي بين الطلاب من الناحية الطبقية..بالاظافة الى هذا فهو حلو ويرتبك ويخلي منظرك بين الناس حلو كطالب جامعي اله هيبته..بعدين انته جاي تدرس لو جاي تتباهة بملابسك والوانها كدام العالم؟!!

___________

تحياتي الج يا مس

وياريت ماضوجتج باللغوة مالتي [ندعوك للتسجيل في المنتدى أو التعريف بنفسك لمعاينة هذه الصورة]

هلووووو ايبوو
شنو ضوجتني بالعكس اصلا اكثر رد عجبني هو ردك
واتفق وياك بكل كلمة كلتها صح لسانك والله
وان شاااااء الله يخلوك العميد ليش لا قابل هواية عليك وبهاي افكارك انت احسن من الوزير نفسه
اسعدني مرورك العطر
تحياتي الك ^_^