هل ممكن انك تحب شخص عمرك ما شفته في حياتك ??

طبعا صدك هذا موضوع كلش مهم
وبرايي اكو ناس نعرفهم وكاعدين وياهم ساعات بس ميكدرون يحركون احساسنا
بينما اكو ناس مشايفين منهم غير حروفهم بس يكدرون يملكون كل احاسيسنا ومشاعرنا

والصراحه اشوف هذا النوع من الحب اصدق لان لا متأثر بشكل او موقف اوشغلات اخرى يعني منشوف من المقابل بس احساسه ونفسيته وهو هذا اكبر اختبار للحب الحقيقي لان الحب احساس


وتخيلوا اذا واحد حب شخص بعيد او مشايفه وفضله على الناس القريبين والشايفهم لعد اذا التقى ويا شكد راح يكبر هذا الحب؟؟؟؟؟

وشكرا عالموضوع الحلو

لو حبيبتي ريان
بالنسبة الي اموت على هذا الحب
لان اغلب صديقاتي اشوفهم اوفى بالانترنت من وفى صديقاتي الي يمي
وقريب يكون جدا الى نفسي
صح مرات تلاقي بعض الناس الي يلعبون بمشاعرنا
بس هسة البارحة كان يمي اثبات على صداقة عن طريق الانترنت
وهية لقائي ولاول مرة في حياتي من صديقة من الانترنت
واني عمري مشايفتها بالحقيقة بس اجتي عليه واني ردت قبلها اجي عليها بس مرهمت الضروف فهي اجتي عليه
وهاية الصديقة الكل يعرفها بالمنتدى
هسة مس انكلش
الكل كلي منو كال راح تطلع هية او هيج او هيج
بس اني كلتلهم اني وثقت بيها من اول يوم حجت وياها وحبيتها
والبارحة اجتي عليه واتعرفت عليها اكثر
موضوع جميل جدا
عاشت ايدج حبيبتي

اي ريان اوفقج انوا اكو حب عبر النت
وعلى كولت سبشل مرات يكون انجح من الحب الوقعي
اذا كان الشخصان المتحابان صادقين